Claude Hagège

Léon Hagège, edo Claude Hagège (arabieraz : كلود حجاج), (Kartago, Tunisia, 1936ko urtarrilaren 1a), hizkuntzalaria da. Haurtzaroa Tunisian iragan zuen, giro poliglota batean. Sei urtetik aurrera bere hizkuntzan mintzatzen da jendearekin, eta hizkuntzak ikasten eta aztertzen hasten da, pentsaera librea erabiliz.

Haren iritziz, ingelesa pentsamendu bakarraren bektorea dela dio ''Contre la pensée unique'' liburuan (2012). Hala ere, zehazten du ingelesa "izpiritu libreen" euskarria ere badela, "pentsamendu libertario [...] baten euskarria, askatasuna defendatzen duena, askatasun faltsuaren aurka, zeina neoliberalismoa den, hau da, dirua egiteko askatasuna, horretarako dohakabeez baliatuz".

Euskararen eta Frantziaren menpeko beste hizkuntzei buruz, zera adierazi du: "Frantsesa ez zen bretoieraren edo gaskoiaren kaltetan inposatu bere ustezko hizkuntza dohainengatik, baizik eta erregearen hizkuntza zelako eta gero Errepublikarena. Beti da horrela, funtsean: mintzaira bat ez da sekula garatzen bere hiztegiaren aberastasunagatik edo gramatikaren konplexutasunagatik, baizik eta erabiltzen duen estatua militarki ahaltsua delako – besteak beste, kolonizazioa izan zen – edo ekonomikoki "globalizazioa" delako". Wikipediatik informazioa lortu